რამდენიმე დღის წინ ჩემი ძველი მეგობარი ილონა დავინახე, რომლისგანაც დიდი ხანი არ მინახავს. ჩვენ ადრე ხშირად ვსაუბრობდით სულიერებაზე, ქოუჩინგზე, და ჯანსაღ კვებაზე. ახლა კი, როცა კიდევ ერთხელ შევხვდით, ინტუიციური კვების თემა წამოიჭრა. ილონა წიგნს დამპირდა და რამდენიმე პოდკასტიც მირჩია, რომლებიც დამეხმარა ეს გზა კიდევ უფრო კარგად გამეზრებინა.
ეს ისტორია 17 წლის ასაკიდან იწყება, როცა წონა ჩემთვის არასდროს ყოფილა პრობლემა, მიუხედავად იმისა, რომ ბევრ ახლობელს აინტერესებდა და დიეტებს მირჩევდენენ მე კი სარკეში მხოლოდ ჩემს ლამაზ ფორმებს ვხედავდი. მაგრამ როდესაც დავოჯახდი და ფეხმძიმობამ ჩემს სხეულზე ცვლილებები მოიტანა – საბოლოოდ, 90 კილოგრამამდე ავედი.
როცა ვიმშობიარე, ყველაფრის გაკეთება დავიწყე, რომ ჩემი სხეული “დავაბრუნე”. დავიწყე დიეტების უსასრულო ციკლი. ეს ბრძოლა წლები გაგრძელდა. მრავალი დიეტა და ცდები იყო, მაგრამ მაინც მუდამ წონის შენარჩუნება იყო ჩემი მთავარი მიზანი. ამას ემატებოდა გამონაყარი სახეზე, ნერვული აშლილობა და სულ მინდოდა უფრო გამხდარი ვყოფილიყავი.
25 წელი გავიდა. ამ დროში ისევ მერყეობდა ჩემი წონა. მედიუმი (38 ზომა) ჩემი მუდმივი ზომა იყო, მაგრამ ბოლო წლებში ვამჩნევდი, რომ ნელ-ნელა ვიმატებდი. ჯანსაღ კვებასა და იოგას ჩემი ყოველდღიურობის ნაწილი ვხდიდი, თუმცა ვერ ვაჩერებდი სხეულის ცვლილებებს. როგორც იოგას მასწავლებელს, ძალიან მრცხვენოდა, რომ სხეულის ფორმებს ვაკონტროლებდი და თან ვერა.
ერთი გადამწყვეტი მომენტი იყო. ჩემი გრძნობების გადახედვა გულიდან ცხოვრება გახდა ჩემი მთავარი გამოწვევა. გავაცნობიერე, რომ მე მიყვარდა ჩემი თავი მხოლოდ მაშინ, როცა 38 ზომა თავისუფლად მერგებოდა. ეს დამოკიდებულება იყო, რომელმაც ზეწოლა გამოიწვია.
ერთ დღეს გადავწყვიტე გარდერობის სრული წმენდა. მოვიშორე 38 ზომის ტანსაცმელი, რომელიც არ მერგებოდა და წავედი მაღაზიაში 40 ზომის ტანსაცმლის საყიდლად. როდესაც ეს ტანსაცმელი პირველად მოვირგე , პირველად ვიგრძენი, როგორ მოვეშვი. სუნთქვა დავიწყე თავისუფლად გამიხარდა, ტანსაცმელი აღარ მიჭერდა. და რაც მთავარია, ემოციურად მშვიდად ვგრძნობდი თავს.
ეს იყო ის მომენტი, როდესაც სარკეში შევხედე ჩემს თავს და პირველად, ნაოჭები მუცელზე, გვერდებზე და ყველა პატარა “მინუსი” შევიყვარე. მივიღე ჩემი სხეული სრულად. ამის შემდეგ, ინტუიციურ კვებაზე გადავედი. ვეკითხები ჩემს თავს – მშია? და თუ არა, რას ვცდილობ დავამალო საკვების მიღებით?
სიყვარულითა და პატივისცემით დავიწყე ცხოვრება და მყავს ნამდვილი მეგობარი – ჩემი სხეული.
#დღე38
დატოვეთ კომენტარი