როგორ ხარ?

ხშირად, როდესაც ვსვამთ კითხვას „როგორ ხარ?“, ეს უფრო ავტომატური ფორმაა და არ ვუფიქრდებით იმას, რომ პასუხს შეიძლება უფრო ღრმა მნიშვნელობა ჰქონდეს. ხშირად ადამიანები მალავენ თავიანთ ნამდვილ გრძნობებს და ამბობენ „ნორმალურად“ ან „კარგად“, თუმცა შინაგანად შეიძლება სულ სხვაგვარად გრძნობდნენ თავს.

კონფლიქტები ადამიანებს შორის ხშირად ხდება იმის გამო, რომ ჩვენ ყოველთვის არ ვიგებთ ან ვითვალისწინებთ სხვის გრძნობებს, ან პირიქით — თავად ვიმყოფებით სტრესულ მდგომარეობაში, რამაც შეიძლება გამოიწვიოს გაღიზიანება და გარშემომყოფებზე ნერვების მოშლა. როდესაც არ ვაქცევთ ყურადღებას ჩვენს შინაგან მდგომარეობას და სხვის გრძნობებს, შეიძლება გაუგებრობები და კონფლიქტები წარმოიშვას. ურთიერთობებში საჭიროა ყურადღება და გააზრება, მაგრამ ყოველთვის არ გვყოფნის ამისთვის ძალა და დრო.

მნიშვნელოვანია, რომ ვისწავლოთ ნამდვილად მოსმენა და აღქმა სხვა ადამიანების. თუ გულწრფელად გვეკითხება, როგორ მიდის საქმეები, და მზად ვართ მისი მოსმენისა და გაგებისთვის, მაშინ შეიძლება ურთიერთობა დავალაგოთ და შესაძლოა, კონფლიქტებიც ავიცილოთ.

ემპათია და სხვისი გრძნობების გაგების უნარი ხშირად გვეხმარება თავიდან ავიცილოთ უსიამოვნო ჩხუბი და გაუგებრობები.

ამგვარად, კითხვაზე „როგორ ხარ?“ ნამდვილი პასუხი შეიძლება ბევრ რამეს გვიამბოს, თუ ვიქნებით უფრო ყურადღებიანები და გარშემომყოფების მიმართ მზრუნველები.

ხვალ სკოლა იწყება საქართველოში.

ხშირად დაუსვი შენს შვილს კითხვა როგორ ხარ და ამდროს თვალებში უყურე, როგორ რეაგირებს პასუხის დროს… არ აქვს მნიშვნელობა რამდენი წლისაა. ამ კითხვაზე პასუხს დიდი მნიშვნელობა აქვს. ნუ დაგამშვიდებს მისი წყნარად ყოფნა, ზუსტად სკოლიდან ვსწავლობთ ჩვენ ჩვენი გრძნობების დამალვას, თამაშს და საზოგადოებისათვის ნიღბების მორგებას.

ბედნიერ და წარმატებულ სასწავლო წელს გისურვებთ.