ადამიანს თავისუფალი ნება აქვს, რათა სწორი არჩევანი გააკეთოს. თუმცა, რა არის სწორი არჩევანი? სწორი არჩევანი ისაა, როცა სიყვარულს ირჩევ და ამ ქვეყნიურ სიკეთეებს არ დახარბდები, არამედ სულიერებას განავითარებ. გზა სულიერებისკენ გულიდან იწყება, რადგან სწორედ გულშია სულიერი ძალის ამოფრქვევა და გზის გაშლა.
თავისუფალი ნება ის იარაღია, რომელიც ადამიანს ეძლევა, რომ ჯაჭვები გაარღვიოს და შაბლონები დაამსხვრიოს. ეს ჯაჭვები ხშირად ჩვენი ქცევების განმეორებად წრეებს ჰგავს—თუ ვცვლით ქცევას, ვარღვევთ ჯაჭვს და ვთავისუფლდებით, მაგრამ თუ ამას არ ან ვერ ვახერხებთ, ისევ იმავე წრეზე დავდივართ. სინანული შეიძლება იყოს მადლი, თუ მას მივიღებთ როგორც შანსს და შევცვლით ქცევას.
ეს განმეორებადი ქცევის წრე შეგვიძლია დავუკავშიროთ იუდას მაგალითს. იუდას ჰქონდა თავისუფალი ნება, რომ ღალატი არ აერჩია, მაგრამ ფულსა და ამქვეყნიურ სიკეთეს დახარბდა. მისი მოქმედება გახდა სიმბოლო იმისა, თუ როგორ შეიძლება ადამიანმა არასწორი არჩევანი გააკეთოს, მიუხედავად იმისა, რომ სიყვარული და higher calling მის ხელთ იყო. იუდას გადაწყვეტილება, მიეღო ამქვეყნიური მატერიალური სიამოვნებები, მხოლოდ განმეორებადი წრის გაგრძელებას იწვევს—ადამიანი ისევ და ისევ იმავე შაბლონში ბრუნდება.
მაგრამ რაც ხდება დღესაც, გვხვდებიან ადამიანები, რომლებიც ჯერ აკეთებენ არჩევანს, შემდეგ ნანობენ, თუმცა ვერ ცვლიან ქცევას და ისევ იმავე წრეზე დადიან. იუდას მაგალითი გვახსენებს, რომ ადამიანებმა, რომლებიც ვერ გამოთავისუფლდებიან ამ ჯაჭვებისგან, კვლავ და კვლავ ხვდებიან ამ ციკლში. თუმცა, მათ ყოველთვის აქვთ შანსი სულიერ გზაზე დაბრუნდნენ.
სულიერი გზა იწყება საკუთარი უმაღლესი მეს აღმოჩენით. ეს არის ძალა, რომელიც უნდა ვიგრძნოთ ჩვენს თავში, ვიგრძნოთ, რომ უფალმა ჩვენ თავის ხატად შეგვქმნა. როდესაც ამ ძალას ვგრძნობთ, ის ჩვენს შიგნით უფრო და უფრო ძლიერდება და გარეთ ასხივებს. ლოცვა, მედიტაცია და იოგა ის გზებია, რომლებიც ამ კავშირს გვაძლიერებენ და გვეხმარებიან, რომ მომენტი არ დავკარგოთ.
მომენტის დაკარგვა ნიშნავს საკუთარი თავის დაკარგვას. როცა ეს კავშირი შენს თავსა და უფალთან არ ირღვევა, გრძნობ შიგნით არსებულ ძალას და ის შენი მუდმივი საყრდენი ხდება. ეს ძალა არამხოლოდ შინაგანი სიმშვიდის მომტანია, არამედ გეხმარება, რომ სხვა ადამიანებსაც გაუზიარო.
ჩემი გზა სწორედ ამაშია—გაუზიარო ის, რასაც ვასწავლი და ვაკეთებ: იოგა, მედიტაცია, და ჩემი ბლოგი. ჩემი მიზანია, ვაჩვენო, რომ კეთილდღეობა და სულიერი ზრდა ჰარმონიაში შეიძლება იყვნენ, როცა გული სიყვარულითაა სავსე. ეს გზა ჩემთვის მონიჭებულია, როგორც იმედის და სინათლის მახარობელი, რათა სხვებსაც შთაგონება მივცე, რომ საკუთარი ცხოვრებაც ამ სიყვარულის გზაზე დააყენონ.
ეკლესისს ზარის ხმა, რომელიც ახლა მესმის და ამ ოათახში ზოგადად არ ისმის, თითქოს მახსენებს, რომ ეს გზავნილი მნიშვნელოვანია და მისი გაზიარების დროა. იქნებ, ეს არის მომენტი, როცა სულიერი გზის ხმამ სწორედ აქ, ამ წამში შემახსენა ჩემი მისია—სიყვარულის და კეთილდღეობის ჰარმონიის გზაზე.
დატოვეთ კომენტარი